Yasamalda narkotik əməliyyatı-2 kq tiryək aşkar edilib

Bərdə rayon sakinindən narkotik vasitə götürülüb. DİN-dən "Olaylar"a verilən məlumata görə, Baş Narkotiklərlə Mübarizə İdarəsi əməkdaşlarının paytaxtın Yasamal rayonu ərazisində keçirdikləri əməliyyat-axtarış tədbirləri nəticəsində saxlanılan Bərdə rayon sakini, əvvəllər məhkum olunmuş İ.Vəliyevdən çəkisi 1 kiloqramdan artıq heroin və 2 kiloqramdan artıq tiryək aşkar edilərək götürülüb. Faktla bağlı cinayət işi başlanb. İstintaq və əməliyyat tədbirləri aparılır.