Lambirin sexini qarət edənlər tutulublar

Maştağa qəsəbəsi ərazisində fəaliyyət göstərən lambrin sexindən oğurluq törətməkdə şübhəli bilinən şəxslər ələ keçiblər. DİN-dən "Olaylar"a verilən məlumata görə, fevralın 7-də Sabunçu RPİ-nin 14-cü Polis Bölməsinə Maştağa qəsəbəsi ərazisində fəaliyyət göstərən lambrin sexindən 8 ədəd transformator başlığının və 40 metr elektrik naqilinin oğurlanması barədə müraciət daxil olmuşdur. Məlumatla əlaqədar keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən qəsəbə sakinləri V.Nuriyev, X.Hüseynov və S.Cabbarov qısa müddətdə müəyyən edilərək polis əməkdaşkları tərəfindən saxlanılmışlar.Araşdırma aparılır.