Avtomobil yolu keçən azyaşlını vurub öldürdü

Şəmkir rayonunun Çinarlı qəsəbəsi ərazisində yol-nəqliyyat hadisəsi baş verib. DİN-dən "Olaylar"a verilən məlumata görə, oktyabrın 28-də saat 13 radələrində Şəmkir rayonunun Çinarlı qəsəbəsi ərazisində Abbaslı kənd sakini İbrahim Bədirov idarə etdiyi "VAZ-2106" markalı avtomobillə yolu keçən qəsəbə sakini, azyaşlı Zəhra Həsənovanı vurmuş və nətəcədə uşaq hadisə yerində ölmüşdür. Şəmkir RPŞ tərəfindən araşdırma aparılır.