Deformasiyaya uğramış avtomobildən 2 meyit çıxarılıb

Böhran Vəziyyətlərində İdarəetmə Mərkəzinə daxil olmuş məlumata əsasən, Göygöl rayonu ərazisində "Mercedes" və "VAZ" markalı iki minik avtomobili toqquşub.

Gövqəladə Hallar Nazirliyindən "Olaylar"a verilən məlumata görə, hadisə yerinə cəlb olunmuş Gəncə Regional Mərkəzinin müvafiq xilasetmə qüvvələri "VAZ" markalı minik avtomobilində sıxılmış vəziyyətdə qalmış 1975-ci il təvəllüdlü Babayev Yalçın Namaz oğlunun və 1 nəfərin (şəxsiyyəti məlum deyil) meyitini deformasiyaya uğramış nəqliyyat vasitəsindən çıxararaq aidiyyəti üzrə təhvil veriblər. Əməliyyat başa çatıb.​