Avtoqəzada sürücü ölüb, 2 nəfər xəstəxanaya yerləşdirilib

Qaradağ rayonunda ölümlə nəticələnən yol-nəqliyyat hadisəsi baş verib.  yol qəzası baş verib. Daxili İşlər Nazirliyindən "Olaylar"a verilən məlumata görə, hadisə Qaradağ rayonunun Lökbatan qəsəbəsi ərazisində qeydə alınıb. Belə ki, sentyabrın 3-də Qaradağ rayonunun Lökbatan qəsəbəsinin sakini Bilal Hüseynov idarə etdiyi "AzSamand" markalı avtomobili yolun kənarındakı reklam dirəyinə vurub. Nəticədə sürücü hadisə yerində ölüb, 2 sərnişini xəstəxanaya yerləşdirilib. Qaradağ rayon Polis idarəsi tərəfindən araşdırma aparılır.