Maşın oğrusu iş başında yaxalanıb

Binəqədi RPİ 6-cı PB əməkdaşlarının həyata keçirdikləri əməliyyat-axtarış tədbirləri nəticəsində aprelin 28-də Aksar Hidayətova məxsus "Mercedes" markalı avtomobildən oğurluğa cəhd göstərmiş Ağsu rayon sakinləri Mirəli Seyidov və Məhəmməd Məmmədli tutulular. DİN-dən verilən məlumata görə, ətraflarında aparılmış əməliyyat tədbirləri ilə onların aprelin 27-nə keçən gecə Şamaxı rayonu ərazisində rayon sakini R.Xanəliyevə məxsus traktordan akkumulyator oğurlamaları da müəyyən edilib.