“Aqrolizinq”in rəhbərliyi fermerlərlə görüşəcək

"Aqrolizinq" ASC-nin bir qrup rəhbər işçiləri "Regionlarda maarifləndirmə və sorğu" layihəsi çərçivəsində 8 sentyabr 2018-ci il tarixində, saat 11:00-da Salyan rayon Heydər Əliyev Mərkəzində Salyan, Neftçala, Hacıqabul, Şirvan, Sabirabad, Saatlı və İmişli rayonlarının sakinləri ilə görüş keçirəcək. Bu barədə məlumat "OLAYLAR"-a Kənd Təsərrüfatı Nazirliyindən daxil olub. Bildirilib ki, görüşün əsas məqsədi "Aqrolizinq" ASC tərəfindən göstərilən xidmətlər və lizinq qaydalarına dair vətəndaşların maarifləndirilməsi, həmçinin mövcud problemlərin dinlənilməsi və onların həll edilməsidir.