Rusiya ilə turizm sahəəsində əməkdaşlıq məsələsi müzakirə edilib
Azərbaycan Turizm Assosiasiyasının (AZTA) sədri Nahid Bağırov Rusiya Federasiyasının Azərbaycandakı ticarət nümayəndəsi Eldar Tlyabiçev və “Rusiya eksport mərkəzi” Səhmdar Cəmiyyətinin rəhbəri Nuri Quliyevi qəbul edib.
Azərbaycan Turizm Assosiasiyasının (AZTA) sədri Nahid Bağırov Rusiya Federasiyasının Azərbaycandakı ticarət nümayəndəsi Eldar Tlyabiçev və "Rusiya eksport mərkəzi" Səhmdar Cəmiyyətinin rəhbəri Nuri Quliyevi qəbul edib. AZTA-dan "OLAYLAR"-a bildirilib ki, görüş zamanı Azərbaycan və Rusiya arasında mövcud turizm münasibətləri və inkişaf perspektivləri müzakirə edilib. Qonaqlar turizm sahəsinin inkişafı məsələsinin 2017-ci ilin sentyabrında keçirilmiş "VIII
Rusiya-Azərbaycan Regionlararası Forum"da da əsas mövzulardan biri olduğunu qeyd ediblər. Rusiya Federasiyasının Azərbaycanda ticarət
nümayəndəsi Eldar Tlyabiçev qeyd etdi ki, Rusiya tərəfi turizmin inkişafının Azərbaycan modelinin öyrənilməsi və tətbiqində maraqlıdır, Belə ki, qisa zaman ərzində turizm sektorunun inkişafı, turist axınının, xüsusilə də varlı turistlərdən sayılan, ərəb turistlərinin cəlb edilməsi təqdirəlayiqdir.
"Hazırda Rusiyada Azərbaycanda olduğu kimi turizmin inkişafı perspektiv məsələlərdən sayılmır, lakin, qarşıda duran perspektiv inkişaf sahələrindəndir", - deyə Eldar Tlyabiçev qeyd etdi.
"Rusiya eksport mərkəzi" Səhmdar Cəmiyyətinin rəhbəri Nuri Quliyev isə qeyd edib ki, növbəti Rusiya-Azərbaycan Regionlararası Forum sentyabr
ayında Gəncədə keçiriləcək. Azərbaycanın iqtisadiyyat naziri Şahin Mustafayev və Rusiyanın iqtisadi inkişaf naziri Maksim Oreşkinin
razılığı əsasında Rusiya tərəfi əlaqəli turizm münasıbətlərinin inkişafı üçün təklıflər hazırlayıb forum iştirakçılarına təklif etməlidir.
Qonaqlar bu təklifləri hazırlamaqda Azərbaycan Turizm Assosiasiyasıının dəstəyinə ümidvar olduqlarını qeyd etdilər. Nahid Bağırov rusiyalı mütəxəssislərə AZTA-nın yardım etməyə hazır
olduğunu qeyd etdı və Azərbaycanın turizm modelinin inkişafı, eləcə də son illər turizm inkişafının yerlı və xarici iqtisadi münasibətlərin
inkişafına tövhəsi barədə danışıb.