İdman
İordaniyalı idmançı: "Azərbaycanın təcrübəsini öyrənməliyik"
“İordaniyada maliyyə problemləri olduğuna görə komandamız 4 illik fasilə vermişdi. Bir müddət öncə heyətimizi yenidən formalaşdırıb, məşqlərə başlamışdıq. Ancaq yenə də tam hazır vəziyyətdə deyildik. Ona görə də yaxşı nəticə göstərə bilmədik”. Bunu “Bakı-2017” IV İslam Həmrəyliyi Oyunlarında çıxışını başa vurmuş (8-ci yer) həndbol üzrə İordaniya milli komandasının kapitanı Əhməd Almousa deyib.
İslamiada çərçivəsində bədii gimnastika üzrə yarışlara start verildi
Bakıda IV İslam Həmrəyliyi Oyunları çərçivəsində bədii gimnastika üzrə yarışlara start verilib. Bu gün oyunlar çərçivəsində gimnastlar halqa və topla çıxış edəcəklər. Azərbaycanı bu yarışlarda Marina Durunda, Jalə Piriyeva və Zöhrə Ağamirova təmsil edəcəklər.
İslam Həmrəyliyi Oyunlarında boks yarışları başladı
Bu gün IV İslam Həmrəyliyi Oyunlarında boks yarışlarına start verilir. Bu gün boksçular 9 çəki dərəcəsində mübarizəyə başlayacaqlar. Azərbaycan boksçularından rinqə ilk olaraq ölkəmizi +91 kq çəki dərəcəsində təmsil edən Məhəmmədrəsul Məcidov çıxacaq.
Pakistan həndbolçuları İslamiadada 7-ci yeri qazandılar
Bu gün Bakıda IV İslam Həmrəyliyi Oyunları çərçivəsində 7-ci yer uğrunda həndbol yarışlarında Pakistan 7-ci yeri tutub. Görüşdə Pakistan İordaniyanı 33:31 hesablı qələbə ilə geridə qoyub, İordaniya 8-ci yeri tutub.
"Həmrəylik Oyunlarının rəsmi açılış mərasimini səbirsizliklə gözləyirik"
"IV İslam Həmrəylik Oyunlarının rəsmi açılış mərasimini səbirsizliklə gözləyirik. Əminəm ki, açılış möhtəşəm olacaq". Bunu Türkiyə Milli komandasının üzvü Arelya Karasoy deyib.
Bu gün "Bakı-2017" IV İslam Həmrəyliyi Oyunlarının rəsmi açılış mərasimi keçiriləcək
Bu gün Bakı Olimpiya Stadionunda IV İslam Həmrəyliyi Oyunlarının rəsmi açılış mərasimi keçiriləcək. İslam Həmrəyliyi Oyunları İslam Həmrəyliyi İdman Federasiyası tərəfindən keçirilən çoxmillətli və çoxnövlü idman tədbiridir. İlk Oyunlara 2005-ci ildə Səudiyyə Ərəbistanı ev sahibliyi edib.
"Neftçi"də yeni məşqçi
"Neftçi" PFK-nın baş məşqçisi Elxan Abdullayevin köməkçisi müəyyənləşib. Novruz Əzimov əsas komandanın məşqçisi vəzifəsinə təyin olunub. 1982, 1985-1989 və 1991-1992-ci illərdə "Neftçi"nin heyətində 146 oyun keçirib, 5 qol vurmuş Əzimov Azərbaycan çempionudur (1992). "Kəpəz" və AZAL klublarında məşqçi kimi çalışmış mütəxəssis "Bakı"nın baş məşqçisi, məşqçisi və idman direktoru vəzifələrini yerinə yetirib. Baş məşqçi kimi Azərbaycan kubokunun qalibi olub (2011/2012).
Olimpiya çempionu: "Özümü Bakıda evdəki kimi hiss edirəm"
"Mənə Bakıda keçirilən İslam Həmrəyliyi Oyunlarında iştirak etmək çox maraqlıdır". Bunu Olimpiya çempionu, Özbəkistan gimnastı Oksana Çusovitina deyib.
46 ölkənin idmançıları Atletlər Kəndinə yerləşdirildi
“Hazırda 46 ölkənin idmançıları Atletlər Kəndinə yerləşdirilib. Bu gün isə 8 ölkənin nümayəndələrini gələcək”. Bunu “Bakı 2017” İslam Həmrəyliyi Oyunları Təşkilat Komitəsinin Beynəlxalq Əlaqələr departamentinin rəhbəri və icraçı direktoru Könül Nurullayeva deyib. Onun sözlərinə görə, bu gün 8 ölkənin nümayəndələrini gələcək. İcraçı direktor bildirib ki, idmançıların boş vaxtlarını keçirməsi üçün mərkəz fəaliyyət göstərir. “Həmin mərkəzdə onlar stolüstü-tennis oynaya bilər və ya komanda şəklində televiziya verilişlərinə baxa bilərlər. Bu kimi əyləncələr nəzərdə tutulub. Lakin idmançıların elə də çox boş vaxtı yoxdur. Onlar daha çox məşqdə olurlar”.
Tacikistanlı voleybolçu: “Ölkəmizə “Bakı-2017”nin mükafatçısı kimi qayıtmaq istəyirik”
“Gəldiyimiz təyyarənin reysində gecikmə oldu. Gec çatdığımıza görə məşq etməyə vaxtımız olmadı. Türkiyə ilə ilk oyunumuza qədər uyğunlaşma olmadığına görə məğlub olduq”. Bunu “Bakı-2017” IV İslam Həmrəyliyi Oyunlarında mübarizə aparan qadın voleybolçulardan ibarət Tacikistan milli komandasının üzvü Makhfırat Norova deyib.
Boksçularımızın İslamiadadakı rəqibləri BİLİNDİ
Bakıda keçiriləcək İslam Həmrəyliyi Oyunları çərçivəsində keçiriləcək boks yarışlarının püşkü atılıb. 27 ölkənin qatılacağı turnirdə Azərbaycan millisinin üzvləri də rəqiblərini tanıyıblar.
MOK: "İdmançılarımız Oyunlara yüksək səviyyədə hazırlaşıblar"
Azərbaycan Bakı - 2017 IV İslam Həmrəyliyi Oyunlarında böyük bir komanda ilə yarışacaq, komandamıza 500-ə qədər idmançı daxildir. Bunu Milli Olipmiya Komitəsinin (MOK) vitse-prezidentiÇingiz Hüseynzadə İslam Həmrəyliyi Oyunları ilə bağlı bu gün keçirilən mətbuat konfransında deyib.
İslamiadada iştirak edəcək 46 ölkənin nümayəndələri artıq Bakıdadır
Bakıda keçiriləcək IV İslam Həmrəyliyi Oyunlarında iştirak edəcək 46 ölkənin nümayəndələri artıq Azərbaycana gəlib və atletlər kəndində yerləşib. Bunu IV İslam Həmrəyliyi Oyunları Təşkilat Komitəsinin üzvüKönül Nurullayeva İslam Həmrəyliyi Oyunları ilə bağlı bu gün keçirilən mətbuat konfransında deyib. O bildirib ki, bu gün isə 8 ölkənin idmançılarının gəlişi gözlənilir.