İdman
“Qarabağ”ın qapıçısı Bosniya və Herseqovina klubuna "Atletiko" ilə bağlı məsləhət verib
"Qarabağ"ın qapıçısı İbrahim Şehiç UEFA Gənclər Liqasının pley-off mərhələsində İspaniyanın "Atletiko" komandası ilə qarşılaşacaq sabiq klubu Bosniya və Herseqovina "Jelezniçar"ına məsləhət verib.
"Səbail"in qış fasiləsi üçün planları
"Səbail"in qış təlim-məşq toplanışında yoxlama matçı keçirəcəyi komandalardan birinin adı müəyyənləşib. Gələn ay Antalyaya yollanacaq bakılıların Türkiyədəki sınaqçı rəqibləri sırasında Bolqarıstan klubu da olacaq.
"Şaxtyor" məşqçiləri və hakimlər arasında konflikt
Ukrayna çempionatının 19-cu turunda "Zorya" ilə qarşılaşan turnir cədvəlinin lideri "Şaxtyor" 1:2 hesabı ilə uduzub. Oyundan sonra Donetsk klubunun baş məşqçisi Paulo Fonseka və köməkçiləri baş hakimlə mübahisə ediblər. Onlar referi Serqey Boykonu qərəzli idarəçilikdə ittiham edib. Boyko oyunda "Şaxtyor" futbolçularına 3 qırmızı vərəqə göstərib və komandanı penalti ilə cəzalandırıb. Məşqçi və hakimlər arasındakı konflikti təhlükəsizlik əməkdaşları yatızdırıb.
PSJ Canluicinin agenti ilə danışıqları bərpa etdi
PSJ "Milan"ın qapıçısı Canluici Donnarummanı transfer etməkdə israrlıdı. Paris klubu qapıçının agenti Mino Rayola ilə danışıqları bərpa edib. PSJ Canluicini yayda transfer etmək istəyirdi. Paris nəhəngi həmin vaxt ona görə 70 milyon avro ödəməyə hazır idi. Ancaq həmin vaxt "Milan" Donnarummanı yeni müqavilə bağlamağa razı sala bilmişdi. Qapıçı ilə müqavilə 2021-ci ilə qədər uzadılmışdı.
"Qarabağ"dan YENİ REKORD
Ağdamın "Qarabağ" klubu Premyer Liqada ardıcıl 6-cı qələbəsini qazanıb. IV turdan təxirə salınan səfər matçında “Səbail”i 2:0 hesabı ilə məğlub edən Qurban Qurbanovun yetirmələri qış fasiləsinə mövsümün rekord seriyası ilə yollanıb. Belə ki, 6 oyunluq qələbə seriyası cari mövsümün rekord göstəricisidir.
"Qarabağ"ı qışda kimlər tərk edəcək? - Qurban Qurbanov açıqladı
Son Azərbaycan çempionu “Qarabağ” qış fasiləsində təlim-məşq toplanışı üçün Türkiyənin Antalya şəhərinə yollanacaq. Bu barədə əməkdaşımızla söhbətində ağdamlıların baş məşqçisi Qurban Qurbanov deyib. Təcrübəli çalışdırıcının sözlərinə görə, “atlılar” hazırlıq prosesinə yanvarın 9-dan etibarən start verəcək. Təlim-məşq toplanışı fevralın 4-nə qədər davam edəcək. Qurbanov “Qarabağ”ın hazırlıq müddətində 6 yoxlama matçı keçirtməyi planlaşdırdığını söyləsə də, hələlik rəqiblərin müəyyənləşmədiyini bildirib.
"Barselona"nı məğlub edən tapılmır
İspaniya La Liqasının 15-ci turunda "Vilyareal"ın qonağı olan "Barselona" 2:0 hesablı qələbə qazanıb. Katalon klubu Primerada məğlubiyyətsiz oyunların sayını 21-ə yüksəldib. Bunların 18-də qalib gələn "Barselona", 3 dəfə heç-heçə edib. Analoji nəticə La Liqanın tarixində ən uzun məğlubiyyətsizlik seriyasıdır. Komanda sonuncu dəfə 2016/17 mövsümünün 31-ci turunda "Malaqa"ya uduzub - 0:2.
Bütün dünya bunu GÖZLƏYİR, saat 15:00-da başlayacaq: HAZIR OLUN! - YENİLƏNDİ
Bu gün İsveçrənin Nyon şəhərində futbol üzrə Çempionlar Liqasının 1/8 final mərhələsinin püşkatma mərasimi keçiriləcək. Artıq nəinki, Avropanın, hətta bütün dünyanın futbolsevərlərinin gözü püşkatmaya çevirilib.
"Komanda yorğun görünürdü"
"Çelsi" Premyer Liqanın 16-cı turunda "West Ham United"ə minimal hesabla uduzmaqla çoxlarıı təəccübləndirib. Matçdan sonra keçirilən mətbuat konfransında "zadəganlar"ın baş məşqçisi Antonio Konte məğlubiyyətin səbəbini futbolçuların yorğunluğu ilə əlaqələndirib.
Marselodan Ronaldu etirafı
"Real"ın müdafiəçisi Marselo La Liqanın 15-ci turunda "Sevilla" üzərində qazanılan qələbədən sonra (5:0) açıqlama verib. Braziliyalı futbolçu, ilk növbədə, komanda yoldaşı Kriştianu Ronaldunun dünyanın ən yaxşısı olması barədə fikrini dəstəkləyib.
Arda Sinemlə birlikdə aldığı villasını satır - DODAQ UÇUQLADAN QİYMƏT
Aldığı zədələr səbəbilə bu mövsüm “Barselona”da forma geyinə bilməyən və qış transfer pəncərəsində Türkiyəyə qayıdacağı ehtimal edilən Arda Turan villasını satışa çıxarıb. Villanın ilkin qiyməti 5 milyon 450 bin dollar qoyulub. Evin ilk fotolarını futbolçunun qardaşı Ozan Turan instaqram hesabından paylaşıb.
Əliyar Ağayev FİFA-nın seminarında
Azərbaycanlı FİFA referisi Əliyar Ağayev UEFA-nın seminarında iştirak edəcək. Seminar yanvarın 28-dən fevralın 1-dək keçiriləcək. Ağayevin də iştirak edəcəyi seminar Maltada FİFA referiləri üçün təşkil olunacaq.
Ronaldu: "Messi ilə mübarizəmiz hələ çox davam edəcək"
"France Football" nəşrinin təqdim etdiyi "Qızıl Top" mükafatının builki qalibi Kriştianu Ronaldu olub. İlin ən yaxşı oyunçusuna verilən mükafata 5-ci dəfə sahib çıxan portuqaliyalı bununla da karyerasında 5-ci dəfə bu uğura imza ataraq Lionel Messiyə çatıb.
Ümummilli Lider Heydər Əliyevin xatirəsinə həsr edilmiş voleybol üzrə turnirə yekun vurulub
Nəsimi rayon İcra Hakimiyyətinin təşkilatçılığı ilə Ümummilli Lider Heydər Əliyevin xatirəsinə həsr olunmuş voleybol üzrə turnir keçirilib. 4-7 dekabr 2017-ci il tarixdə keçirilən voleybol üzrə turnir təhsil müəssisələrinin idman klubları arasında təşkil edilib. Turnirdə 10 voleybol komandası iştirak edib.
Avropa Liqasında səbətlər dəqiqləşdi
Avropa Liqasında 1/16 final mərhələsinin bütün iştirakçıları bəlli olub. Turnirin qrup mərhələsində ilk iki yeri tutan 24 komanda və Çempionlar Liqasının qrup üçüncüsü olan 8 klub gələn il mübarizəni davam etdirəcək. Bu 32 komanda dekabrın 11-də keçiriləcək püşkatmada iki səbətdə yer alacaq. Avropa Liqasının qrup qalibləri səpələnmiş, ikinciləri səpələnməmiş olacaq. Çempionlar Liqasından gələn komandalardan 4-ü səpələnmiş, 4-ü səpələnməmişlər sırasında yer alacaq. Bu klubların bölgüsü onların qrupda göstərdiyi nəticəyə əsasən aparılıb. Dekabrın 11-də İsveçrənin Nyon şəhərində keçiriləcək püşkatma mərasimi Bakı vaxtı ilə saat 16:00-da başlayacaq.