Haradan haraya – Anelkanın yeni klubu

Fransa millisinin sabiq futbolçusu Nikolas Anelkanın yeni komandası rəsmən müəyyənləşib. Qol.Az-ın xəbərinə görə, 35 yaşlı hücumçu Hindistanın "Mumbai Siti" klubuna transfer olunub. Bu barədə futbolçunun özü "Tvitter" hesabında yazıb.

Qeyd edək ki, bundan əvvəl Anelkanın Hindistanın "Pune Siti" klubuna transfer olunduğu iddia edilmişdi. Xatırladaq ki, N.Anelka PSJ, "Arsenal", "Real" (Madrid), "Liverpul", "Mançester Siti", "Fənərbaxça", "Çelsi", "Yuventus" kimi klubların şərəfini qoruyub. O, ötən mövsüm "Vest Bromviç"də çıxış edib.