Saypulla Absaidov: "Qızıl medalçılarımızın sayı daha da artacaq"

"Bu gün böyük bayramdır".  "Azərbaycan olimpiyaçılarının London Yay Olimpiya Oyunlarında qazandıqları 10 medalın 7-si eyni idman növündə əldə edilmişdir. Bu, ölkəmizin idman tarixində ən güclü çıxışdır. On dəfə artıq zəhmət çəkmək lazımdır ki, Rio-de-Janeyroda bu rəqəmi 15-ə çatdıraq. AzərTAc xəbər verir ki, bu sözləri avqustun 15-də sərbəst güləş üzrə Azərbaycan yığma komandasının baş məşqçisi Saypulla Absaidov jurnalistlərə müsahibəsində demişdir. Baş məşqçi bildirmişdir: "Azərbaycan azarkeşləri bizi maraqla izləyirdilər. Azərbaycanda belə azarkeşlər varsa, şübhəsiz, ölkəmizdə idman daha da inkişaf edəcək, gənclik bu istiqamətdə tərbiyələnəcək və qızıl medalçılarımızın sayı daha da artacaqdır".