FİFA Hollandiya millisini oteldən qovur

FİFA DÇ-2014-ün yarımfinalçısı Hollandiya millisindən  Rio de Janeyrada məskunlaşdığı oteli tərk etməsini istəyib. Qol.Az-ın xarici KİV-lərə istinadən yaydığı xəbərə görə, dünyanın ali futbol qurumu həmin otelə sponsor nümayəndələrini və digər qonaqları yerləşdirmək üçün belə bir addım atıb. Hollandiya Futbol Federiyasının baş katibi Bet van Oostveen FİFA-nın bu hərəkətini anlamadıqlarını deyib: "Amma bu, bizim üçün sürpriz olmadı. Belə hadisə ilə üzləşəcəyimizi  bilirdik. Turnirin əvvəlindən sona kimi eyni oteldə qalmaq istəyirdik.  Amma bizi dəniz səviyyəsindən 900 metr yüksəklikdə olan oteldə yerləşdirdilər. Futbolçular burada qalmağa öyrəşmişdilər. İndi onlar Argentina ilə matça bilmədikləri bir yerdə hazırlaşacaqlar. Dörd il əvvəl baş tutan dünya çempionatında bu hadisə başımıza gəlmişdi".