Argentina 1/2 finalda

Topu oyunun 8-ci dəqiqəsində belçikalıların qapısından Gonzalo Higuain keçirib

 Argentina - Belçika matçı 1-0 Lionel Messinin komandasının qələbəsilə nəticələnib.

ANS PRESS-in məlumatına görə, Argentina millisi beləliklə öz adını 1/2 finala yazdırıb.

Bu mərhələdə cənubi amerikalılar Hollandiya - Kosta-Rika cütlüyünün qalibi ilə üz-üzə gələcək.

21.12

Bu gün Braziliyada keçirilən futbol üzrə DÇ-2014-ün 1/4 final mərhələsinə yekun vurulacaq.

ANS PRESS-in məlumatına görə, Bakı vaxtı saat 21.00-da başlayan Argentina - Belçika matçında oyunun 12-ci dəqiqəsi gedir, hesab 1-0 argentinalıların xeyrinədir.

Topu oyunun 8-ci dəqiqəsində belçikalıların qapısından Gonzalo Higuain keçirib.

Qeyd edək ki, bu günkü iki oyunla növbəti yarımfinalçılar bəlli olacaq.

1/4 final mərhələsinin oyunları:

5 iyul

21:00. Argentina - Belçika
Baş hakim: Nikola Ritsoli (İtaliya)
Brazilia. "Nasional" stadionu

6 iyul

01:00. Hollandiya - Kosta-Rika

Xatırladaq ki, 1/4 final mərhələsinin iki oyunu dünən baş tutmuşdu. Braziliya Kolumbiyanı 2:1, Almaniya isə Fransanı 1-0 hesabı ilə məğlub etmişdi.