Cerrard: "Məğlubedilməz komanda olmalı idik"
"Luis Suarez yaxşı hücumçudur. Ona qol vurmağa imkan verməməliydik. Hesabı bərabərləşdirdikdən sonra çox pis oynadıq. Bəlkə də 1:1 hesabını qorumağa çalışmalıydıq. Daha ağıll və yaxşı oyun nümayiş etdirməliydik. Bir xalımızın belə olmaması məni çox üzür. Oynadığımız futbol pis deyildi, ancaq istədiyimiz nəticələri əldə edə bilmədik". Qol.Az-ın Britaniya mətbuatına istinadən yaydığı xəbərə görə, bu sözləri İngiltərə millisinin futbolçusu Stiven Cerrard Uruqvaya 1:2 hesabı ilə məğlub olduqları oyundan sonra deyib. 34 yaşlı yarımmüdafiəçi bu turnirdəki çıxışlarını heç bəyənmədiyini bildirib: "Məğlubedilməz komanda olmalı idik. Ancaq hər iki matçda uduzmağımız məni çox məyus etdi. Qrupdan çıxmağımız üçün İtaliya Kosta-Rika və Uruvaya qalib gəlməlidir. Ancaq biz bu turnirə bunun üçün gəlməmişdik. Öz taleyimizi özümüz həll etməli idik. Bu durumda olmağımızı qəbul etmək çox çətindir".