Bruno Bertuççi "Neftçi"dən gedə bilər

"Neftçi"nin braziliyalı futbolçusu Bruno Bertuççi  karyerasını vətənində davam etdirə bilər. "Neftçi"nin vitse-prezidenti Tahir Süleymanov bildirib ki, Braziliya A Seriyasında çıxış edən klublardan biri Bertuççinin xidmətində maraqlıdır. Klub rəsmisi futbolçunun "Neftçi"ni tərk etməsinin əleyhinə olmadıqlarını deyib: "Bertuççiyə Braziliya A Seriyasından təklif gəlib. Ona həmin klubla danışıqlar aparması üçün icazə vermişik. Bizə rəsmi müraciət olan kimi danışıqlara başlayacağıq".

Qeyd edək ki, 24 yaşlı müdafiəçi 2012-ci ildən "Neftçi"də çıxış edir. Qol.az