Pike: "İspaniya millisini favorit görmürəm"

İspaniya millisinin müdafiəçisi Jerar Pike Braziliyada təşkil olunacaq dünya çempionatında favorit gördüyü komandaların adlarını açıqlayıb. 

Qol.Az-ın məlumatına görə, "L'Equipe"yə danışan təcrübəli futbolçu Braziliya, Almaniya və Argentinanın mundialın favoritləri olduğunu bildirib:

"İspaniyanı favorit kimi görmürəm. Dünya çempionluğu uğrunda Braziliya, Argentina və Almaniya yığmalarının mübarizə aparacağını düşünürəm. Ancaq dünya çempionatında hər şey ola bilər. Ümid edirəm ki, İspaniya millisinə də hörmətlə yanaşacaqlar".