Fabreqas: "Braziliya yığmasından qorxmuruq"

İspaniya millisinin yarımmüdafiəçisi Sesk Fabreqas komandasının qarşıdakı dünya çempionatında şanslarını dəyərləndirib. Qol.Az-ın məlumatına görə, "goal.com"a danışan "Barselona"nın futbolçusu mundialın əsas favoriti sayılan Braziliya yığmasından çəkinmədiklərini bildirib: "Dünya çempionatında qələbə qazanmaq bizim üçün çox önəmlidir. 2008-ci ildə heç kəs bizə inanmırdı. Ancaq həmin ildən bəri bütün titulları qazandıq. Braziliya yığmasından qorxmuruq. Bəli, onlar güclü komandadır. Əgər Braziliya ilə yollarımız kəsişsə, bu tamamilə başqa oyun olacaq".