"Bavariya" hücumçusu ilə müqaviləni yenilədi

Klaudio Pizarro daha bir il "Bavariya"nın şərəfini qoruyacaq. Qol.Az-ın Almaniya mətbuatına istinadən yaydığı xəbərə görə, 35 yaşlı oyunçu Münhen təmsilçisi ilə bu ayın sonu başa çatacaq müqaviləni bir il müddətinə uzadıb.

Perulu futbolçu imzalanma mərasimindən bunları bildirib: "Bir il daha burada oynayacağım üçün qürur hissi keçirirəm. "Bavariya" dünyanın ən böyük klubudur".

Qeyd edək ki, K.Pizarro 2012-ci ildə "Verder"dən "Bavariya" klubuna transfer olunub.