Xorvatiya millisində ciddi itki

Gələn ay Braziliyada təşkil olunacaq dünya çempionatının iştirakçılarından olan Xorvatiya millisi ciddi itki ilə üzləşib. Qol.Az-ın məlumatına görə, komandanın aparıcı futbolçularından sayılan Niko Krancar zədəli olduğu üçün yığmanın heyətindən kənarlaşdırılıb. Xorvatiya Futbol Federasiyasının rəsmi internet saytından verilən məlumatda 29 yaşlı futbolçunun sağalma müddəti 1 və ya 1,5 ay davam edəcək. Bu səbəbdən Krancarın Braziliyada təşkil olunacaq mundiala aparılmayacağı dəqiqləşib.

Qeyd edək ki, Krancar Xorvatiya millisində keçirdiyi 81 oyunda 16 qola imza atıb.