Van Persi dünya çempionatını buraxa bilər

Hollandiya millisi və "Mançester Yunayted" klubunun hücumçusu Robin van Persi Braziliyada keçiriləcək dünya çempionatından kənarda qala bilər. Qol.Az-ın xarici KİV-lərə istinadən verdiyi məlumata görə, təcrübəli futbolçu yığmanın son məşqində zədələnib.

Dizindən zədə alan 31 yaşlı futbolçunun son durumu hələlik məlum deyil. Van Persinin qarşıdakı mundialda iştirak edib-etməyəcəyinə yaxın günlərdə aydınlıq gələcək.

Qeyd edək ki, Uruqvay millisinin hücumçusu Luis Suarez də zədə səbəbindən dünya çempionatını buraxa bilər.