“Dənizlinin məni komandadan göndərmək istədiyi ilə bağlı xəbərlər yanlışdır”

"Mustafa Dənizlinin məni komandadan göndərmək istədiyi ilə bağlı xəbərlər yanlışdır". Bunu apasport.az saytına açıqlamasında "Xəzər Lənkəran"ın aşağı yaş qrupları üzrə koordinatoru İlhan Akgül deyib.

Türkiyəli mütəxəssis "Xəzər Lənkəran"dan getməyəcəyini bildirib: "Bizim Mustafa Dənizli ilə münasibətlərimiz yaxşıdır. O, həmişə aşağı yaş qruplarının oyunlarını izləyir. Təkcə o deyil, Oğuz Çətin də gəlib baxır. Bizim çox söhbətimiz olur. Amma heç vaxt mənim bu klubdan göndəriləcəyim haqqında bir şey deyilməyib. Sadəcə şayiələr çıxarırlar".