Blatter: "Bu cür cəzalar verilsə, irqçilik bitəcək"

FİFA-nın prezidenti Yozef Blatter son zaman genişlənməkdə olan irqçi şüar və hərəkətləri narazılıqla qarşılayıb. Qol.Az-ın "eurosport.com"a istinadən yaydığı xəbərə görə, o, bu cür hərəkətlərə yol verən azarkeşlərin dəstəklədiyi klubun ağır cəzalandırılmalı olduğunu deyib. 

Blatter bildirib ki, həmin klubun ya xalı silinməli, ya da aşağı liqaya düşürülməlidir: "Bu cür cəzalar verilsə, irqçilik bitəcək".

Qeyd edək ki, sonuncu dəfə "Vilyareal"la La Liqa matçında "Barselona"nın futbolçusu Dani Alveşə azarkeşlər tərəfindən banan atılmışdı.