Syomin: "Namizədliyimin “Spartak”da müzakirə olunması..."

"Qəbələ"nin çalışdırıcısı Yuri Syominin Moskva "Spartak"ının baş məşqçici vəzifəsinə namizəd olması yayılan xəbərlərə münasibət bildirib. 

Qol.Az-ın məlumatına görə, Rusiyanın "Sport-ekpress" qəzetinə açıqlamasında təcrübəli mütəxəssis onun namizədliyinin "Spartak" kimi klubda müzakirə olunmasında məmnunluğunu ifadə edib.

"Spartak" böyük azarkeş ordusuna malik komandadır. Gələn mövsüm onlar ev oyunlarını öz stadionlarında keçirəcəklər" - deyən Syomin başqa açıqlama verməyib.

Moskva klubu isə baş məşqçi vəzifəsinə təyinatın nə vaxt olacağı haqda hələlik açıqlama verməkdən imtina edib.