Arda Turan "Qalatasaray"a bir milyon avro qazandırdı

"Atletiko"nun futbolçusu Arda Turan keçmiş klubu "Qalatasaray"a bir milyon avro qazandırıb.

Qol.Az-ın Türkiyə mətbuatına istinadən verdiyi məlumata görə, 2011-ci ildə "Cim-Bom"dan Madrid təmsilçisinə transfer olunan türk yarımmüdafiəçinin müqaviləsində qeyd edilib ki, İspaniya klubu Çempionlar Liqasında finala yüksələcəyi təqdirdə, "Qalatasaray"a bir milyon avro ödəməlidir.  Sözləşmənin bu maddəsinə əsasən "Cim-Bom" da "Atletiko"nun uğurundan gəlir əldə etmiş olub.

Qeyd edək ki, Madrid təmsilçisi yarımfinal mərhələsində "Çelsi"ni mübarizədən kənarlaşdıraraq finala vəsiqə qazanıb.