Ronaldoya möhtəşəm təklif

Yeni müqaviləyə əsasən "Real" futbolçuya ildə 15 milyon avro məvacib verəcək

İspaniyanın "Real" Madrid klubun portuqaliyalı ulduzu Kriştiano Ronaldoya illiyi 15 milyon avrodan yeni müqavilə təklif edib. ANS PRESS-in Türkiyə mətbuatına istinadla verdiyi məlumata görə, müqavilənin müddəti 5 ildir. Ronaldo ötən mövsümdə 55 rəsmi qarşılaşmada 60 qol vuraraq "Real" Madridi çempionluğa aparmışdı. Klub futbolçu üçün 50 milyon avronu vergi qismində ödəyəcək. aha 75 milyon avro isə Ronaloya məvacib kimi ödənəcək. Ümumilikdə isə futbolçu kluba 125 milyon avroya başa gələcək. Qeyd edək ki, Ronaldo 2009-cu ildə 93.1 milyon avro məbləğ müqabilində İngiltərənin "Mançester Yunayted" klubundan transfer edilmişdi. O, "Real"dan ildə 11 milyon avro alırdı. Bununla da Ronaldo dünyanaın ən çox qazanan futbolçusu olan Samuel Eto'oya bir addım daha yaxınlaşacaq. Belə ki, Eto'o "Anji"də ildə 20 milyon avro qazanmaqla dünyanın ən yüksək gəlir əldən edən futbolçusu adına sahibdir.