Riberidən yeni rekord

"Bavariya"nın futbolçusu Frank Riberi yeni bir rekorda imza atıb. Qol.Az-ın məlumatına görə, Münhen təmsilçisinin bundesliqada "Herta"nı 3:2 hesabı ilə məğlub etdiyi matçda forma geyən yarımmüdafiəçi bu qələbə ilə Almaniya futbolunun tarixinə düşüb.
Belə ki, Riberinin bundesliqada ard-arda oynadığı 39 matçda komandası məğlub olmayıb. Bununla da, o, "Hamburq"un keçmiş futbolçusu Holqer Hieronumusu geridə qoyaraq bundesliqa tarixində ən uzun müddət məğlubiyyət görməyən oyunçu olub.