Azərbaycan London Paralimpiya Oyunlarında ilk qızıl medalını qazandı

Cüdoçu Ramin İbrahimov Paralimpiya çempionu oldu

Böyük Britaniyanın paytaxtı Londonda XIV Paralimpiya Oyunları davam edir.Yarışda 60 kiloqram çəki dərəcəsində mübarizə aparan Azərbaycan cüdoçusu Ramin İbrahimov ilk görüşünü Koreya Respublikasının idmançısı Min-Ca Liyə qarşı keçirmişdir. Rəqibi üzərində inamlı qələbə qazanan R.İbrahimov növbəti mərhələyə adlayıb.Azərbaycan idmançısı dörddəbir finalda Fransa cüdoçusu Kevin Villemontla üz-üzə gəlib. R.İbrahimov bu görüşdə də qələbə qazanıb və yarımfinala yüksəlib. Yarımfinalda Yaponiya cüdoçusu Takaaki Hiraidən üstün olan R.İbrahimov finala vəsiqə qazanıb.Finalda Xiaodong Li (Çin) ilə görüşən Ramin rəqibinə qalib gələrək Azərbaycan milli komandasına ilk qızıl medal qazandırıb.