85 yaşlı qadın su quyusuna yıxıldı
Bakı şəhərinin Xətai rayonu, Əhmədli qəsəbəsi ərazisində 1 nəfər su quyusuna düşərək təhlükəli vəziyyətdə qalıb.
Olaylar.az xəbər verir ki, bu barədə Fövqəaladı Hallar Nazirliyi məlumat yayıb.
Bildirilib ki, FHN-in Bakı Regional Mərkəzinin xilasediciləri dərhal çağırış ünvanına cəlb olunub.
Hadisə yerində əməliyyat şəraiti qiymətləndirilərkən müəyyən olunub ki, 1938-ci il təvəllüdlü vətəndaş S.Cəfərova fərdi yaşayış evinin həyətyanı sahəsində dərinliyi təqribən 8 metr olan su quyusuna düşərək təhlükəli vəziyyətdə qalıb.
Xilasedicilər operativ olaraq xüsusi xilasetmə vasitələri ilə vətəndaşı quyudan çıxararaq xilas ediblər.
Təklifinizi, şikayətinizi bizə yazın. Sizi dinlərik. 055 634 88 31