Bloger Hüseyn Bakıda yenə gündəmə gəldi - Taksi sürücüsünə 500 manat verdi + VİDEO

Rusiyada yaşayan azərbaycanlı bloger Hüseyn Həsənov yenidən Bakının qonağı olub.

Olaylar.az xəbər verir ki, ötən gecə şəhəri gəzən bloger paytaxt takislərindən birinə yaxınlaşaraq onu qaldığı otelə aparmasını xahiş edib.

Hüseyn nəqliyyat vasitəsinə əyləşməzdən əvvəl taksi sürücüsünə pulu olmadığını deyib. Sürücü isə problem olmadığını, onu mənzil başına pulsuz çatdıracağını dilə gətirib.

Yol boyu Hüseyn taksi sürücüsü ilə söhbət edib. Onun bakılı olduğunu öyrənib. Daha sonra Hüseyn normalda 5-6 AZN ödəməli olduğu yol üçün sürücüyə jest edərək 500 AZN ödəyib və təşəkkür edib. 

Bloger baş verənləri 22.5 milyon izləyicisi olan instaqram hesabında izləyiciləri ilə bölüşüb. Onun bu paylaşımı sosial şəbəkə istifadəçiləri tərəfindən maraqla qarşılanıb. 

BAKU.WS