Dünya
Ramil Quliyevdən XƏBƏR
Türkiyə atletika tarixinin ilk dünya çempionu olan azərbaycanlı Ramil Quliyev Berlində keçirilən ISTAF oyunlarında gümüş medal qazanıb. "Olaylar" bildirir ki, Ramil Quliyev yüngül atlet kişilər arasında 100 metr məsafəyə qaçış üzrə yarışı 10.09 saniyəlik nəticə ilə ikinci sırada tamamlayıb.
Körpəsini diri-diri basdırdı: "Ailəm onu istəmirdi"
25 yaşlı qadın ailəsinin qorxusundan yeni doğulan körpəsini diri-diri basdırıb. Cənubi Afrikada zavodda işləyən qadın hər kəsdən gizli dünyaya gətirdiyi qızını ölümə tərk edib. Zavod işçiləri yaxınlıqda uşaq səsi eşidib və gördükləri mənzərə qarşısında şoka düşüblər. Uşağı təcili xəstəxanaya aparan işçilər onun anasını tanıdıqlarını deyiblər. Polisə ifadə verən qadın bildirb ki, körpənin anası onlarla birlikdə zavodda işləyib: "Onun 4 yaşlı bir qızı var. Qızın ailəsi ikinci uşaq istəmədiyi üçün o, uşağı öldürmək istəyib. Uşağın 3 gün ərzində torpaq altında sağ qalması isə möcüzədir".
Bələdiyyə sədri konsertdən qovuldu
Müğənni Sertab Erener Çatalcada verdiyi konsert zamanı əsəbiləşib. İfaçı mahnı oxumaq istədiyi vaxt rayonun bələdiyyə başçısı səhnəyə çıxıb və tamaşaçılardan səhnədən uzaqlaşmağı xahiş edib. Başçının bu sözlərinə əsəbləşən sənətçi səhnəni tərk edib. Tamaşaçılar da rəhbərin sözlərinə qarşı çıxamağa başlayıb. Lakin bəkədiyyə başçısı “Bu konserti təşkil edən mənəm. Mənim sözüm keçərli olmalıdır. Bir-birimizə hörmət edək” deyib.
Sevgilisi aktyoru qətlə yetirdi
İstanbulun Beşiktaş rayonu ərazisindəki məşhur otellərdən birində odlu silah yarası almış 1 qadın və 1 kişi meyiti aşkar edilib. "Olaylar" Türkiyə mətbuatına istinadən bildirir ki, araşdırma zamanı məlum olub ki, qətlə yetirlən məşhur aktyor və teleaparıcı Vatan Şaşmazdı. Aktyor sevgilisi Filiz Aker tərəfindən qətlə yetirilib. Vatan Şaşmazdan üç dəqiqə sonra onun qaldığı otağa daxil olan Filiz, sevgilisini qətlə yetirdikdən sonra intihar edib. O, keşmiş sevgilisinin kürəyinə dörd güllə sıxaraq, özünü də başından vurub.
Okeanda yeni canlı növləri tapıldı
“Reports” elmi-tədqiqat jurnalında dərc olunan tədqiqat işində Hind okeanının dərinliklərində isti su mənbələri yaxınlığında 6 yeni canlı növünün kəşf edildiyi bildirilir. İngilis tədqiqatçıları tərəfindən aşkar olunan yeni canlılar arasında açıq qəhvəyi rəngli xərçəng, dəniz ilbizi, okean soxulcanı və qum qurdu növləri var.
Avstriyada 5 alpinist ölüb
Avstriyanın Zalsburq əyalətində dağlarda bədbəxt hadisə nəticəsində 5 nəfər həlak olub, 1 ağır xəsarət alıb. Bu haqda ORF telekanalı xəbər verir.
Naz evlilik verilişini ifşa etdi: "Hamısı yalan idi, pul alırdım"
Evlilik verilişinin məşhur simalarından olan azərbaycanlı gəlin Naz Mila bu dəfə açıqlamaları ilə gündəm olub. O, proqramın yalanlar üzərində qurulduğunu və iştirakçıların oradan pul qazandıqlarını etiraf edib.
"Hizbullah" və Suriya ordusu İŞİD-ə qarşı Livanla sərhəddə hücumu dayandırıblar
Livanın "Hizbullah" hərəkatı və Suriya ordusu "İslam dövləti" terrorçu qruplaşmasına qarşı Livanla sərhəddə hücumun dayandırılmasını elan ediblər. Bu haqda Reyter agentliyi xəbər verir. "Əl Manar" telekanalının məlumatına görə, atəşkəs Bakı vaxtı ilə saat 08.00-da qüvvəyə minir.












.jpg)

