Çin Yaxın Şərqdə gərginliyin eskalasiyası ehtimalından narahatdır ÖZƏL

Olaylar.az xəbər verir ki, bu barədə Çin Xalq Respublikası Xarici İşlər Nazirliyinin rəsmi nümayəndəsi Mao Nin brifinq zamanı bildirib. O, ABŞ Prezidenti Donald Trampın İranın kritik infrastrukturuna zərbələr endirməyə hazır olması barədə bəyanatını şərh edərkən Pekinin rəsmi mövqeyini diqqətə çatdırıb.

"Çin yaranmış vəziyyətdən dərindən narahatdır. Mövcud böhranın kəskinləşməsi və onun həlli müddətinin uzanması tərəflərdən heç birinin maraqlarına uyğun deyil", - deyə diplomat qeyd edib.

Çinli diplomat, həmçinin münaqişəyə cəlb olunmuş bütün tərəfləri böhranın tənzimlənməsində və sülh danışıqlarının təşviq edilməsində konstruktiv rol oynamağa çağırıb.