İsrail Konsulluğu qarşısındakı atışmanın ilk görüntüləri

İstanbulun Levent rayonunda yerləşən İsrail Konsulluğu qarşısında baş verən silahlı insidentin ilk görüntüləri yayılıb.

Xəbər verdiyimiz kimi, hadisə zamanı konsulluq binasının qarşısında atışma səsləri eşidilib. Milli.Az-ın məlumatına görə, qarşıdurma zamanı hücum edən şəxslərdən ikisi zərərsizləşdirilib, biri isə yaralı vəziyyətdə saxlanılıb.

Hadisə nəticəsində iki polis əməkdaşı müxtəlif dərəcəli xəsarətlər alıb.

NTV telekanalının yaydığı məlumata əsasən, hücum edən şəxslərdən biri sağ ələ keçirilib.

Türkiyənin Ədliyyə Nazirliyi insidentlə bağlı dərhal araşdırmalara başlanıldığını açıqlayıb. Baş verən hadisənin səbəbləri və detalları hazırda hüquq-mühafizə orqanları tərəfindən araşdırılır.