Peskov: Serbiyadakı qaz boru kəmərinə edilən hücumda Ukraynanın əli olması mümkündür - ÖZƏL

Rusiya prezidentinin mətbuat katibi Dmitri Peskov Serbiya ilə Macarıstan arasında qaz kəmərinə edilən hücumda Ukrayna ilə əlaqənin tapılacağını istisna etməyib.

Olaylar xəbər verir ki, Kremlin sözçüsü bildirib ki, Ukrayna dəfələrlə oxşar təxribat aktları həyata keçirib.

"Güman etmək olar ki, bu dəfə də Kiyev rejiminin müdaxiləsinin bəzi izləri aşkar ediləcək", - deyə o etiraf edib.

Peskov həmçinin bildirib ki, Rusiya "Türk Axını" və "Mavi Axın" qaz kəmərlərinin təhlükəsizliyini təmin etmək üçün tədbirlər görür  .

Bundan əlavə, o, "Türk Axını" və "Mavi Axın"a qarşı hücumlarla bağlı vəziyyəti çox təhlükəli adlandırıb .

Daha əvvəl Serbiya prezidenti Aleksandr Vuçiç  Macarıstana aparan qaz kəmərinin yaxınlığında partlayıcı maddələrin tapıldığını bildirmişdi.

İbrahim Məmmədli