BƏƏ Prezidenti Qətər əmiri ilə bölgədəki hərbi eskalasiyanın nəticələrini müzakirə etdi

Birləşmiş Ərəb Əmirliklərinin (BƏƏ) Prezidenti Məhəmməd bin Zayed Əl Nəhyan Qətər əmiri Şeyx Təmim bin Həməd Əl Sani ilə görüşündə Yaxın Şərqdə hərbi eskalasiyanın regional və beynəlxalq təhlükəsizliyə təsirlərini müzakirə edib.

Olaylar.az xəbər verir ki, bu barədə BƏƏ-nin "WAM" xəbər agentliyi məlumat yayıb.

Tərəflər bölgədəki son hadisələri, xüsusən də hərbi eskalasiyanı və onun beynəlxalq dəniz təhlükəsizliyinə və qlobal iqtisadiyyata təsirlərini müzakirə ediblər.

Görüşdə həmçinin İranın BƏƏ, Qətər və regiondakı digər ölkələrin ərazilərinə hücumları da müzakirə edilib. Dövlət başçıları hər iki ölkənin öz təhlükəsizliyini, suverenliyini və ərazi bütövlüyünü qorumaq səylərini artıracaqlarını bildiriblər.