G7 ölkələri İrandakı vəziyyətlə bağlı heç nə edə bilməzlər- ÖZƏL

Olaylar.az xəbər verir ki, "Politico" nəşrinin məlumatına görə, G7 ölkələrinin liderləri Yaxın Şərqdə böhranı yalnız izləmək və gözləmək məcburiyyətindədir.
30 martda Kanada, Fransa, Almaniya, İtaliya, Yaponiya, ABŞ və Böyük Britaniyanın maliyyə və enerji nazirliklərinin və mərkəzi banklarının rəhbərləri cavab tədbirlərini əlaqələndirmək məqsədilə "misli görünməmiş birgə görüş" keçiriblər. Görüşdən sonra yayılan bəyanatda ölkələr dünya dövlətlərini enerji ixracını məhdudlaşdırmamağa çağırıblar. Nəşrin iddiasına görə, müraciət əsasən Rusiya və Çinə ünvanlanıb.
ABŞ Mərkəzi Komandanlığı (CENTCOM) bildirib ki, Hind okeanında təxminən 3500 dənizçi və dəniz piyadasından ibarət qrupu daşıyan Amerika amfibiya hücum gəmisi USS Tripoli yerləşdirilib. Gəmiyə aid 29 mart tarixi ilə foto da yayımlanıb. CENTCOM gəmiyin İrandan nə qədər uzaqda olduğunu açıqlamayıb, lakin 28 martda USS Tripoli-nin Mərkəzi Komandanlığın məsuliyyət zonasına daxil olduğu bildirilib. Bu zona əsasən Yaxın Şərqi əhatə edir.
ABŞ prezidenti Donald Tramp 29 martda açıq şəkildə qeyd edib ki, Amerika qüvvələri Xark adasını ələ keçirmək üçün hərəkət edə bilər. Daha əvvəl, 26 martda, Axios portalı ABŞ rəsmilərinə istinadən yazıb ki, Pentaqon İrana qarşı dörd mümkün eskalasiya ssenarisini hazırlayıb. Bu ssenarilər arasında Xark, Larak və ya Abu-Musa adalarının ələ keçirilməsi variantı da ola bilər