Qətərin Baş naziri: İranın hücumları ərəb ölkələrinin Tehrana etibarını sarsıdıb

Qətərin Baş naziri və xarici işlər naziri Məhəmməd bin Əbdürrəhman Əl-Tani bildirib ki, İranın düşmənçilik hərəkətləri Körfəz Ərəb dövlətlərinin ona olan etibarını sarsıdıb və indi onun yenidən qurulmasına ehtiyac var.

Olaylar.az xəbər verir ki, bunu Qətər hökumətinin başçısı Dohada Türkiyənin xarici işlər naziri Hakan Fidan ilə birgə mətbuat konfransında bildirib.

"Biz İranın regional ölkələrə qarşı düşmənçilik hərəkətləri nəticəsində məhv edilmiş etimadın qurulmasına çalışırıq. Biz vurğulayırıq ki, regional təhlükəsizlik kollektiv məsuliyyətdir və bütün ölkələr bunu öz üzərinə götürməlidir. İranın regional ölkələrə hücumlarını dərhal dayandırmaq və vəziyyətin daha da təhlükəli bir spirala çevrilməməsi üçün ümumilikdə gərginliyi azaltmaq vacibdir", - deyə baş nazir əlavə edib.