BMT Sudanın Sürətli Reaksiya Qüvvələrinin dörd komandirinə sanksiya tətbiq etdi ÖZƏL

BMT Təhlükəsizlik Şurası Sudan Qırmızı Xaç hərəkatına aid Sürətli Reaksiya Qüvvələrinin (SRQ) dörd komandirini sanksiya siyahısına daxil edib. Olaylar.az xəbər verir ki, bu barədə Sudan Tribune məlumat yayıb.
Sanksiyalar siyahısına daxil edilən şəxslər arasında SRQ rəhbəri Məhəmməd Həmdan Daqalonun müavini və qardaşı Əbdül Rəhim Həmdan Daqalo da var. Bundan əlavə, sanksiyalar SRQ qüvvələrinin komandirləri Gedo Həmdan Əhməd Məhəmməd, Əl-Fateh Əbdulla İdris Ədam və Tidcani İbrahim Musa Məhəmməd əhatə edir.
Tətbiq olunan tədbirlərə səyahət qadağası və aktivlərin dondurulması daxildir. Bu addım Sudan daxilində davam edən zorakılığın dayandırılması məqsədilə atılıb. Sanksiya təklifi Böyük Britaniya, ABŞ və Fransa tərəfindən irəli sürülüb və 2005-ci ildə qəbul edilmiş BMT Təhlükəsizlik Şurasının 1591 saylı qətnaməsinə əsaslanır. Həmin qətnamə Darfur bölgəsinə silah tədarükünün qadağan olunmasını da nəzərdə tutur. Qeyd edək ki, bundan əvvəl SRQ-nin iki komandiri artıq sanksiya siyahısına daxil edilmişdi.