Tusk polşalıları dərhal İranı tərk etməyə səsləyib

Polşanın baş naziri Donald Tusk İranda olan Polşa vətəndaşlarını ölkəni dərhal tərk etməyə çağırıb.

Olaylar.az bu barədə xarici KİV-ə istinadən xəbər verir.

Baş nazir bildirib ki, ABŞ-nin İrana potensial zərbələri şəraitində heç kim təxliyə olunmaq imkanına zəmanət verə bilməz.

"Mən mümkün hadisələrlə bağlı heç kəsi qorxutmaq istəmirəm, amma mənim nə demək istədiyimi hamı başa düşür. Münaqişə ehtimalı kifayət qədər realdır və bir neçə on saatdan sonra təxliyədən söhbət belə gedə bilməyəcək", - deyə Donald Tusk qeyd edib.