Abbas Əraqçi: İran və ABŞ danışıqlarda irəliləyiş əldə edib

İran və ABŞ arasında aparılan danışıqlar konstruktiv xarakter daşıyıb.

Olaylar.az xəbər verir ki, bunu İranın xarici işlər naziri Abbas Əraqçi bildirib.

Onun sözlərinə görə, tərəflər mümkün yeni nüvə danışığının mətninə daxil ediləcək bir sıra əsas prinsiplər barədə razılığa gəliblər.

Nazir qeyd edib ki, tərəflər saziş layihəsini hazırlayıb müzakirə etdikdən sonra danışıqların üçüncü mərhələsinin keçiriləcəyi tarix müəyyən olunacaq.