Zelenski: “Ukrayna sülh imzalamadan əvvəl təhlükəsizlik zəmanəti istəyir”- ÖZƏL 

Ukrayna Prezidenti Volodimir Zelenski bildirib ki, ölkəsi sülh sazişi imzalanmadan əvvəl təhlükəsizlik zəmanətlərinə malik olmaq istəyir. Olaylar.az xəbər verir ki, onun sözlərinə görə, müharibədən sonra insanların etimadı zəifdir və onlara ümid verəcək əsas məqam təhlükəsizlik zəmanətləridir.
"Güvənliyin təmin edilməsi müharibənin yekun qərarından əvvəl imzalanmalıdır. Belə mürəkkəb müharibədən sonra insanlarda bir qədər inamsızlıq var. İnsanların ümid edəcəyi əsas şey təhlükəsizlik zəmanətləridir", - deyə Zelenski jurnalistlərə açıqlayıb.
Əvvəllər Reuters xəbər agentliyi bildirmişdi ki, ABŞ Ukraynadan əvvəl sülh sazişi imzalanmasını, yalnız sonra isə Kiyev üçün təhlükəsizlik zəmanətlərini təmin etməyə hazır olduğunu tələb edir.