Orban bildirib ki, Aİ liderləri "avropalılara nağıllar bəsləyirlər"- ÖZƏL 

Macarıstanın baş naziri Viktor Orban bildirib ki, Avropa İttifaqı liderlərinin Ukraynanın Rusiya üzərində qələbəsi və Rusiyadan reparasiya alınacağına dair proqnozları reallığı əks etdirmir və buna görə də Ukrayna heç vaxt Avropaya verdiyi maliyyəni geri ala bilməyəcək. Olaylar.az xəbər verir ki, Orban Kossuth radiosuna verdiyi müsahibədə qeyd edib ki, Qərb ölkələri 2022-ci ildən Ukraynaya artıq 193 milyard avro yardım göstəriblər. İndi isə AB Ukraynaya 2026-2027-ci illərdə 90 milyard avro həcmində faizsiz "hərbi kredit" ayırmağı və 10 il ərzində 800 milyard dollar bərpa yardımı verməyi planlaşdırır. Brüssel bu pulların Rusiyadan reparasiya alınması və dondurulmuş rus aktivlərinin ekspropriasiyası hesabına geri qayıdacağını ümid edir.
Orban bildirib:
"Aİ liderlərinin arqumenti çox sadədir: Ukrayna ordusu qələbə qazanacaq, ruslar reparasiya ödəyəcək, onlar isə pulunu geri alacaq. Amma mən heç bir ciddi ekspertlə rastlaşmamışam ki, desin ki, ruslara meydanda belə zərbə endirmək mümkündür ki, onlar bu ödənişi etməyə məcbur olsunlar. Bütün bunlar uşaqlar üçün nağıllar səviyyəsindədir".
Baş nazir həmçinin vurğulayıb ki, Avropanın Ukraynaya hərbi yardım üçün kifayət qədər vəsaiti yoxdur və Aİ bunu borclanmaqla ödəmək niyyətindədir, hansı ki, gələcək nəsillərin üzərinə düşəcək. Orban bir daha qeyd edib ki, Macarıstan bu təşəbbüslərdə iştirak etməyəcək və Slovakiya ilə Çexiya da qarşı tərəfdədir.