Trampın keçmiş vəkili: “Rubio prezidentin xarici siyasət qərarlarını manipulyasiya edir” -ÖZƏL 

ABŞ Prezidenti Donald Trampın keçmiş vəkili Tay Kobb hesab edir ki, ABŞ dövlət katibi Marko Rubio xarici siyasət qərarlarının qəbulunda prezidentə təsir göstərir və onu manipulyasiya edir. Olaylar.az xəbər verir ki, Kobb bu fikirləri MS Now telekanalının efirində səsləndirib.
Onun sözlərinə görə, Trampın ilk prezidentliyi dövründə dövlət başçısına "yox" deməyi bacaran şəxslər var idi, lakin hazırkı komandada belə fiqurlar görünmür. "Digər tərəfdən isə Marko Rubio kimi insanlar var. Görünür, o, ruhunu satıb, amma bunun əvəzində Kuba, Venesuela və digər ölkələrlə bağlı məsələlərdə prezidenti manipulyasiya etmək imkanından zövq alır", - deyə Kobb bildirib.