Qeyri-adi soyuq qış Qərbi Avropa ölkələrini diz çökdürür- ÖZƏL 

Qeyri-adi soyuq hava bir çox Qərbi Avropa ölkəsini çətin vəziyyətə salıb, lakin Macarıstan normal həyatını davam etdirir. Olaylar.az xəbər verir ki, bu barədə məlumatı Macarıstanın xarici işlər naziri Peter Siyarto YouTube-da yayımlanan "Həqiqət Saatı" verilişində verib.
Siyarto bildirib ki, Macarıstan bu qeyri-adi hava şəraitində fəaliyyətini dayandırmayıb: "Burada dəmiryolu xətləri və hava limanlarını bağlamağa ehtiyac olmadı. Səhiyyə və təhsil sistemi fəaliyyət göstərirdi", - deyə nazir bildirib və Macarıstan hökumətinin qərb avropa ölkələrinin tədbirləri ilə müqayisəsini edib.
Nazir digər ölkələrin "diz çökdüyü" barədə konkret nümunələr gətirməyib. Lakin əvvəllər Fransa yollarında uzun tıxacların, Niderlandda isə hava limanlarında onlarla reysin ləğv edildiyi barədə məlumatlar yayılmışdı. Qeyd edək ki, Budapeştdəki Ferens Liszt Beynəlxalq Hava Limanında da bəzi reyslər ləğv edilmişdi, lakin ölkədə həyat dayanmamışdı.
Siyartonun açıqlaması daxili auditoriyaya ünvanlanıb və hökumət parlament seçkilərinə (aprel 2026) qədər öz effektivliyini nümayiş etdirmək istəyir. Nazir veriliş zamanı vurğulayıb ki, yalnız hakim "FİDES - Macarıstan Vətəndaş Birliyi" partiyası ölkədə sülh, təhlükəsizlik və rifahı təmin edə bilər.