Gürcüstanda müxalifətdən "Keçid planı": İlk 100 günün islahatları açıqlandı – ÖZƏL

Olaylar.az xəbər verir ki, Gürcüstanın "Azadlıq Meydanı" hərəkatı Ali Məhkəmənin qarşısında ölkənin böhrandan çıxarılmasını nəzərdə tutan "Keçid dövrü planı"nı təqdim edib. 

Hərəkat lideri Levan Tsutskiridzenin sözlərinə görə, plan hakimiyyət dəyişikliyindən sonrakı ilk 100 günü və demokratik təsisatların bərpasını əhatə edir.

Sənəddə ədalətli seçki mühitinin yaradılması, dövlət xidmətlərinin partiya nəzarətindən azad edilməsi və hakimiyyətin qollarının yenidən bölüşdürülməsi kimi strateji islahatlar yer alıb. Hərəkat bəyan edib ki, Gürcüstan hazırda dərin institusional böhran və beynəlxalq izolyasiya ilə üz-üzədir və bu plan ölkəni yenidən Avropaya inteqrasiya yoluna qaytarmağı hədəfləyir.