Britaniya "X" sosial şəbəkəsini bloklaya bilər – ÖZƏL

Olaylar.az xəbər verir ki, Böyük Britaniya hökuməti İlon Maskın sahibi olduğu "X" (keçmiş Twitter) platformasına qadağa qoyulmasını müzakirə edir. Baş nazir Kir Starmer medianın tənzimlənməsi qurumu "Ofcom"dan sosial şəbəkəyə qarşı bütün mümkün variantları, o cümlədən bloklanma məsələsini nəzərdən keçirməyi tələb edib.

Qalmaqala səbəb platformanın "Grok" süni intellekt çat-botu vasitəsilə tanınmış şəxslərin, o cümlədən Uels şahzadəsinin və nazirlərin qeyri-etik "dipfeyk" (saxta) fotolarının yaradılmasıdır. Britaniya tərəfi bunu qanunsuz məzmun və təhlükəsizlik təhdidi kimi qiymətləndirir. İlon Mask isə cavabında bildirib ki, süni intellekt vasitəsilə qanunsuz kontent hazırlayanlar birbaşa məsuliyyət daşıyacaqlar.