ABŞ tərəfindən saxlanılan “Marinera” tankerində kimlər olub?

ABŞ hərbçiləri tərəfindən saxlanılan "Marinera" tankerinin göyərtəsində 28 nəfər heyət üzvü olub. 

Milli.Az xarici mətbuata istinadən xəbər verir ki, sözügedən şəxslər Rusiya, Ukrayna və Gürcüstan vətəndaşlarıdır. 

Belə ki, ekipaj üzvlərindən 20 nəfərin Ukrayna, kapitan da daxil olmaqla, 6 nəfərin Gürcüstan, daha 2 nəfərin isə Rusiya vətəndaşı olduğu müəyyən edilib. 

Xatırladaq ki, ötən gün federal məhkəmənin qərarı ilə Rusiya bayrağı altında üzən tanker ABŞ hərbçiləri tərəfindən ələ keçirilib. Ağ Evin mətbuat katibi Kerolayn Levitt keçirdiyi brifinqdə gəminin heç bir ölkənin rəsmi qeydiyyatında olmadığını və "saxta bayraq" altında hərəkət etdiyini bildirib. O, gəmi heyətinin də məsuliyyətə cəlb olunacağını vurğulayıb.