Hələbin kürd yaşayış məhəllələrində komendant saatı tətbiq edildi- ÖZƏL 

Suriya Silahlı Qüvvələrinin Operativ Komandanlığı Hələb şəhərinin şimalında yerləşən Əşrəfiyyə və Şeyx Məqsud  adlı kürd yaşayış məhəllələrini hərbi zona elan edərək bu ərazilərdə komendant saatı tətbiq edib. Olaylar.az xəbər verir ki, bu barədə məlumatı ölkənin Müdafiə Nazirliyinin mətbuat xidməti "X" sosial şəbəkəsində yayıb. Bildirilib ki, çərşənbə günü saat 15:00-dan etibarən adıçəkilən məhəllələrdə hərəkət məhdudlaşdırılır. Ordunun açıqlamasında mülki əhalidən kürd silahlı dəstələrinin mövqelərindən uzaq durmaq xahiş olunub. Eyni zamanda, dinc sakinlərin təhlükəsiz çıxışı üçün Liramun yolayrıcında humanitar dəhlizlərin açıldığı qeyd edilib.