SEPAH generalı: "Prezidentin qaçırılması güc deyil, çöküşün əlamətidir" – ÖZƏL

Olaylar.az xəbər verir ki, İslam İnqilabı Keşikçiləri Korpusunun (SEPAH) komandan müavini, briqada generalı Əhməd Vahidi bu gün keçirilən tədbirdə ABŞ Prezidenti Donald Trampın təhdidlərinə və Venesueladakı hadisələrə kəskin reaksiya verib.

General Vahidi İranın geri addım atmayacağını vurğulayaraq bildirib: "Biz düşməndən qorxmuruq və Amerikanın suverenliyinə boyun əyməyəcəyik. Bir ölkənin prezidentini (Nikolas Maduronu) qaçırmaq və ya general Qasım Süleymanini qətlə yetirmək güc əlaməti deyil. Əksinə, bu, alçalmağın və çöküşün ən böyük göstəricisidir."

Briqada generalı həmçinin qeyd edib ki, Vaşinqtonun müstəqil dövlətlərə qarşı atdığı bu addımlar beynəlxalq hüququn məhv edilməsinə yönəlib və bölgədəki gərginliyi daha da artırır.