Venesuelada gərginlik artır, silahlı qüvvələr səfərbər edilir

ABŞ-nin hərbi hücumundan sonra Venesuela hakimiyyəti ölkənin silahlı qüvvələrinin səfərbər olunduğunu elan edib.

Musavat.com beynəlxalq media resurslarına istinadən xəbər verir ki, fərmana görə, neft sənayesində və digər müəssisələrdə çalışanlar üçün hərbi vəziyyət tətbiq edilib.

Sənəddə deyilir: "Ölkə daxilində milli silahlı qüvvələrin dərhal səfərbər edilməsi və xarici təcavüzü dəf etmək üçün mövcud milli güc potensialından istifadə edilməsi əmr edilir".

Sənəddə həmçinin dövlət infrastrukturunun, neft sənayesinin və digər əsas dövlət sənaye sahələrinin hərbiləşdirilməsi və işçilərin müvəqqəti olaraq hərbi vəziyyətə keçirilməsi qeyd olunur. Fərmana əsasən, ölkənin quru, hava və dəniz sərhədlərində patrul xidmətlərinin və təhlükəsizliyin artırılması tələb olunur.
Eyni zamanda Venesuela polisinə Vaşinqtona hücumda iştirak edənləri axtarışa və məsuliyyətə cəlb etmək üçün saxlamağa başlaması tapşırılır.

3 yanvar tarixli fərman dərc edildiyi tarixdən 90 gün müddətində qüvvədə olacaq. Fərmanda Venesuela lideri Nikolas Maduronun, vitse-prezidentin və hökumət üzvlərinin imzaları var.

Qeyd edək ki, Venesuelanın BMT-dəki daimi nümayəndəsi Samuel Monkada BMT Təhlükəsizlik Şurasının təcili iclasında prezident Nikolas Maduronun dərhal azadlığa buraxılmasını tələb edib. O, prezidentin saxlanılmasını adam oğurluğu və beynəlxalq hüququn kobud şəkildə pozulması adlandırmışdı.